Ötən il Azərbaycanda adambaşına 116,6 kiloqram çörək istehlak edilib. Lent.az məlumat verir ki, bu nəticədə 2022-ci illə müqayisədə 5,9 kiloqram azdır.
Dövlət Statistika Komitəsinin hesabatına görə, ölkədə adambaşına 8,2 kiloqram bitki yağları, 3,9 kiloqram kərə yağı, 25,3 kiloqram şəkər, 1,3 kiloqram çay, 5,8 kiloqram duz istehlak olunub. 2023-cü ildə Azərbaycanda 1 207 152 ton çörək, 120 828 ton bitki yağı, 45 691 ton kərə yağı, 1 036 340 ton şəkər, 15 513 ton isə çay istifadə edilib.
Xatırladaq ki, bu dövrdə özünü təminetmə səviyyəsi çörək üzrə 99,7 faiz, bitki yağları üzrə 55,7 faiz, kərə yağı üzrə 67,7 faiz, şəkər üzrə 84,4 faiz, çay üzrə 85,5 faiz, duz üzrə isə 101 faiz olub.
