Gəncədə oğurluq hadisələri baş verib. Bu haqda 31 iyul tarixində Report-a istinadən xəbər veririk.
Şəhərdə bir neçə evdən ümumilikdə 30 000 manatdan çox məişət əşyaları oğurlanıb. Faktla bağlı Baş Polis İdarəsinin əməkdaşları əməliyyat-axtarış tədbirləri keçiriblər. Nəticədə oğurluqda şübhəli bilinən Arif Hacıyev saxlanılaraq istintaqa təhvil verilib.
Bundan əlavə, vətəndaşın kartından 902 manat pulu başqa karta köçürən şəxs saxlanılıb. Araşdırmalar zamanı məlum olub ki, həmin şəxs Kənan Vəliyevdir.
Həmçinin şəhər ərazisində 15-ə yaxın velosipedi oğurlamaqda şübhəli bilinən Elgün İsmayılov saxlanılıb. Dindirilmə zamanı o, törətdiyi cinayət hadisəsini etiraf edərək oğurladığı velosipedləri satdığını bildirib.
Faktlarla bağlı cinayət işləri başlanılıb, araşdırmalar davam etdirilir.
[modula id="41605"]
