2009-cu il təvəllüdlü Şəmkir rayon sakini Nurcan Elşad qızı Cəfərovanın qohumları sığınacağa yaxınlaşaraq ona aid əşyaları və pulu götürüblər.
Qafqazinfo.аz xəbər verir ki, Nurcandan geri qalanları götürən şəxs onun ana babası olub.
Bu məbləğ isə 100 manat təşkil edib. Həmin pul Nurcanın anasının vəfat etməsinə görə aldığı aylıq müavinətdən geri qalan məbləğ olub.
Məlumata görə, Nurcanın anası da 2012-ci ildə intihar edib. Bu barədə yeniyetmə sığınacaqda olduğu müddətdə məlumat verib.
Onu da bildirək ki, Nurcan hadisənin baş verdiyi gün qrip olub. Bu səbəbdən o, dişlərinin müalicəsi üçün həkimə yollanmayıb, şənbə günü gedəcəyini bildirib. Bundan yarım saat sonra isə həyatına qəsd edib.
Qeyd edək ki, hadisə noyabrın 19-u Bakının Binəqədi rayonu, Motodrom qəsəbəsinin ərazisində yerləşən "Təmiz Dünya" Qadınlara Yardım İctimai Birliyinin sığınacaqda baş verib.
