Gəncə səhiyyəsində ilkə imza atılıb. Bu haqda 27 iyul tarixində Birləşmiş Xəstəxanaya istinadən məlumat veririk.
Akademik Z.Məmmədov adına xəstəxananın Oftalmoloji şöbəsində tam aniridiya (qüzehli qişanın olmaması) şikayəti ilə müraciət edən pasiyent İntiqam Zeynalova süni qüzehli qişa implantasiyası edilib. Əməliyyat Nizami yurdunda ilk dəfə icra olunub. İmplantasiyanı Oftalmoloji şöbənin həkim-oftalmoloqu Tələt Nəbiyev həyata keçirib. Əməliyyat uğurla başa çatıb.
“Aniridiya – nadir hallarda rast gəlinən irsi xəstəliklərdəndir. Pasiyentin sağ gözündə qüzehli qişanın anadangəlmə olmaması səbəbindən xəstənin həmin gözü görməyib. Hazırda xəstənin vəziyyəti normaldır”, - deyə həkim bildirib.
