Gəncədə regional konfrans start götürüb. Bu haqda 26 iyul tarixində Dini Qurumlarla İş üzrə Dövlət Komitəsinə istinadən məlumat veririk.
“Müasir çağırışlar və qarşıda duran əsas hədəflər” mövzusunda keçirilən üçgünlük regional konfrans iyulun 25-də öz işinə başlayıb. Burada Dini Qurumlarla İş üzrə Dövlət Komitəsi (DQİDK), icra başçısı, Milli Məclisin deputatı, Daxili İşlər Nazirliyinin nümayəndəsi, idarə və təşkilatların rəhbər şəxsləri iştirak ediblər.
Tədbirdə Niyazi Bayramov, DQİDK-nın sədr müavini Sahib Nağıyev, Milli Məclisin deputatı, Əmək və sosial siyasət komitəsinin sədri Musa Quliyev, Daxili İşlər Nazirliyinin nümayəndəsi Oqtay Tağıyev, YAP Gəncə şəhər təşkilatının sədri Bayram Aslanov və Qafqaz Müsəlmanları İdarəsinin bölgə qazısı Tahir Abbasovun çıxışları baş tutub. Onlar ölkədə dini mühitdə gedən proseslər, çağırışlar, təhdidlər və Azərbaycan dövlətinin bu istiqamətdə atdığı addımlar barədə danışıblar.
Bundan başqa, tədbir çərçivəsində kitab sərgisi keçirilib və sənədli film nümayiş olunub.
Qeyd edək ki, konfrans 26 və 27 iyul tarixlərində davam edəcək.
