Gəncədə yeni müəssisə fəaliyyət göstərəcək. Bu haqda 18 may tarixində Fed.az-a istinadən məlumat veririk.
Kiçik və Orta Biznesin İnkişafı Agentliyi “Gəncə KOB Evi"nin tikinti işləri” tender keçirib. Müsabiqənin qalibi “Aznof” MMC olub. Şirkətlə 2 milyon manatlıq müqavilə imzalanıb.
Bildirilir ki, agentlik sözügedən tenderi dövlət satınalmaları portalından kənar elan edib.
Qeyd edək ki, “Aznof” MMC 2010-cu ildə yaradılıb, nizamnamə kapitalı 50 manatdır.
