Gəncədə yeni mərkəz yaradıla bilər. Bu haqda 16 may tarixində Report-a istinadən məlumat veririk.
Ötən gün Bakıda Fintex Sammiti təşkil olunub. Burada çıxış edən Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyinin sədri İnarə Vəliyeva bildirib ki, Gəncədə Fintexlər üçün regional mərkəzin yaradılması planlaşdırılır.
"Həmçinin Mərkəzi Bankla birlikdə qanunvericilik sahəsində də işlər görürük ki, maliyyə əlçatanlığı asanlaşsın. Bilirsiniz ki, bununla bağlı Fond yaradılıb. Amma bu Fondla bağlı ödənişlərdə bəzən problemlər yaranır. Bu çətinliklərin aradan qaldırılması üçün mütləqdir ki, vençur investisiyalarına qanunvericilik əsası yaranmalıdır. Bununla paralel Azərbaycanda ikinci vençur fondun yaradılması ilə bağlı aktiv iş gedir”, - deyə rəsmi qeyd edib.
Qeyd edək ki, Fintex maliyyə xidmətlərinin göstərilməsində ənənəvi maliyyə metodları ilə rəqabət aparmağı hədəfləyən texnologiya və innovasiyadır.
