Gəncədə mövsümü güllər əkilir.
Gencexeber.az Gəncə şəhər Mənzil Kommunal Təsərrüfatı İstehsalat Birliyinə istinadən məlumat verir ki, Nizami Gəncəvi prospektində yerləşən dairədə mövsümü dekorativ gül-çiçəklər əkilib. Müvafiq işlər qurumun Yaşıllaşdırma şöbəsi tərəfindən həyata keçirilir.
Güllərin daha uzunömürlü olması üçün əkindən öncə ərazi torpaq, torf və müxtəlif gübrələrlə zənginləşdirilib. Ərazidə mövcud yaşıllıqlara aqrotexniki qulluq göstərilib, suvarılması təmin edilib. Gül əkininə MKTİB-nin əməkdaşları və birliyin texnikaları cəlb olunub.
Qeyd edək ki, aksiya qarşıdakı günlərdə şəhərin müxtəlif ərazilərində də davam etdiriləcək.
