Gəncədə Türkiyənin Baş konsuluna başsağlığı verilib. Bu haqda 6 fevral tarixində İcra Hakimiyyətinə istinadən məlumat veririk.
Niyazi Bayramov Türkiyənin Gəncədəki Baş konsulu Recep Öztopla görüşüb. O, Türkiyənin Kahramanmaraş, Qaziantep və digər cənub bölgələrində baş vermiş güclü zəlzələ nəticəsində həlak olanların ailələrinə və yaxınlarına, qardaş Türkiyə xalqına başsağlığı verib, yaralananlara və xəsarət alanlara şəfa diləyib.
Recep Öztop öz növbəsində göstərilən dəstəyə görə minnətdarlığını bildirib.
Xatırladaq ki, bu gün səhər saatlarında Türkiyənin cənubunda 7.8 bal gücündə zəlzələ baş verib.
