Gəncədə ərzaq məhsullarının saxlandığı anbarda nöqsanlar aşkar edilib. Bu haqda 20 dekabr tarixində Azərbaycan Respublikasının Qida Təhlükəsizliyi Agentliyinə (AQTA) istinadən məlumat veririk.
AQTA əməkdaşları Şah İsmayıl Xətai prospektində fəaliyyət göstərən “N.A.N.T.” MMC-yə məxsus anbarda reyd keçiriblər. Nəticədə qida təhlükəsizliyi sahəsində texniki normativ hüquqi aktların tələblərinin pozulduğu aşkar edilib.
Belə ki, anbarda 3, 5 və 6 kiloqramlıq qutularda müxtəlif çəkilərdə qablaşdırılmış, etiket məlumatları qeyd edilməyən “Klyukvennaya”, “Snejok”, “Ptiçye moloko”, “İmbimaya”, “Belissimo” əmtəə nişanlı şəkərli qənnadı məmulatlarının satışının həyata keçirildiyi müəyyən olunub.
Nöqsanlarla bağlı inzibati qərar qəbul edilərək cərimə tətbiq olunub və icrası məcburi göstərişlər verilib.
