Gəncə futbol klubunun baş məşqçisi komandanın məğlubiyyəti haqqında danışıb. Bu haqda 11 may tarixində Report-a istinadən xəbər veririk.
Azərbaycan Premyer Liqasının XXXIV turunda keçirilən "Neftçi" - "Kəpəz" qarşılaşmasından sonra qonaqların baş məşqçisi Adil Şükürov müsahibə verib.
"Məncə, çox danışılası bir şey yoxdur. Məğlub olduq. Bundan gələcək oyunlar üçün dərs çıxarmalıyıq. Sürətimiz çatmadı. Oyunun ilk hissəsində sürətli hücumlarla irəli çıxa bildik. Qol epizodları yaratdıq. İkinci hissədə sürətimiz düşdü. Buna görə də bu cür nəticə qeydə alındı", deyə mütəxəssis bildirib.
Xatırladaq ki, 5:1 hesabı ilə “Neftçi” təmsilçimizə qalib gəlib.
