Kəlbəcərdə minaya düşən üç hərbçi Gəncəyə gətirilib. Bu haqda 15 dekabr tarixində Kəpəz televiziyasına istinadən məlumat veririk.
Kəlbəcər rayonunun Çıraq kəndində mina partlayıb. Nəticədə ordumuzun hərbi qulluqçuları xəsarət alıblar. Onlardan üçü Gəncə Abbas Səhhət adına şəhər xəstəxanasına yerləşdiriliblər. Onlar Travmatologiya şöbəsində müalicə alırlar.
53 yaşlı Rodik Pənahova sağ qamış və incik sümüyünün 1/3 hissəsinin yerdəyişən açıq qəlpəli sınıqları, 47 yaşlı Siyasət Allahverdiyevə hər iki daban sümüyünün qəlpəli yerdəyişən sınığı, sağ gicgah alın nahiyəsinin çapılmış yarası, 26 yaşlı Sadir Əliyarova isə incik sümüyünün 1/3 hissəsinin sınığı, daban aşıq sümüyünün qəlpəli sınığı diaqnozu qoyulub.
Hərbçilərin ikisinin vəziyyətinin orta ağır olduğu bildirilir.
