Gəncədə bir nəfər oğurluğa görə saxlanılıb. Bu haqda 17 may tarixində DİN-ə istinadən məlumat veririk.
Baş Polis İdarəsinin 2-ci Polis Şöbəsinin əməkdaşları əməliyyat keçiriblər. Nəticədə Ə. Gülməmmədov saxlanılıb. O, şəhər sakininə məxsus "VAZ-21099” markalı avtomobili qaçırmaqda şübhəli bilinib.
Davam edən tədbirlər zamanı Gülməmmədovun daha bir oğurluq cinayəti törətməsi müəyyən olunub.
Faktlarla bağlı araşdırmalar davam etdirilir.
