Gəncədə məşğulluqla bağlı iclas keçirilib. Bu haqda 31 yanvar tarixində İcra Hakimiyyətinə istinadən məlumat veririk.
İclasda İH başçısının müavini Adil Tağıyev, Dövlət Məşğulluq Agentliyinin Gəncə-Daşkəsən Məşğulluq filialının, Dövlət Sosial Müdafiə Fondunun Gəncə-Daşkəsən Regional filialının, Dövlət Əmək Müfəttişliyi Xidmətinin Gəncə-Daşkəsən Regional şöbəsinin, şəhər Statistika İdarəsinin və digər yerli idarəetmə qurumlarının rəhbər və nümayəndələri iştirak ediblər.
Burada cari il üçün komitənin əsas fəaliyyət istiqamətləri, əldə olunmuş nailiyyətlər və problemlər, Dövlət Məşğulluq Agentliyinin icra etdiyi mövcud layihələr müzakirə olunub. İclasda bu il dövlət təşkilatlarının, həmçinin büdcədən maliyyələşən təşkilatların məcburi dövlət sosial sığorta haqlarının və işsizlikdən sığorta üzrə sığorta haqlarının vaxtında və tam ödəməsinin vacibliyi barədə müzakirələr aparılıb.
