Gəncədə təhsil alan şagird yarışın final mərhələsində yüksək nəticə göstərib. Bu haqda 7 iyun tarixində Regional Təhsil İdarəsinə istinadən xəbər veririk.
Söhbət Yusif İsmayılovdan gedir. Məktəbli Türk Dövlətləri Təşkilatına üzv və müşahidəçi ölkələr arasında keçirilən “Üzgüçülük hamı üçün” layihəsində iştirak edib.
Yusif Bakı Su İdmanı Sarayında baş tutan müsabiqənin final mərhələsində III yerə layiq görülüb. Turnirdə Azərbaycan, Türkiyə, Qazaxıstan və Şimali Kipr Türk respublikalarının komandalarının 15 müxtəlif yaş kateqoriyası üzrə iştirakçıları mübarizə aparıblar.
Qeyd edək ki, Yusif İsmayılov 4 nömrəli xarici dillər təmayüllü məktəb-liseyin 3-cü sinif şagirdidir.
