Gəncədə bir sıra məhkəmələrdə kadr dəyişikliyi olub. Bu haqda Gencexeber.az 28 dekabr tarixində məlumat verir.
Prezident İlham Əliyev "Apellyasiya məhkəmələri sədrlərinin müavinlərinin, məhkəmə kollegiyaları sədrlərinin və birinci instansiya məhkəmələri sədrlərinin, sədrlərin müavinlərinin və hakimlərinin təyin edilməsi ilə bağlı bəzi məsələlər haqqında" Sərəncam imzalayıb. Sənədə əsasən, bir sıra yeni təyinatlar olub. Onlar aşağıdakılardır:
- Teyyub Asif oğlu Muxtarov Gəncə Apellyasiya Məhkəməsinin Cinayət Kollegiyasının sədri vəzifəsindən azad olunub. O, həmin məhkəmənin sədrinin müavini təyin edilib;
- Rafiq Musa oğlu Cəfərov Gəncə Apellyasiya Məhkəməsinin Cinayət Kollegiyasının sədri təyin edilib;
- Vüqar Kamal oğlu Məmmədov Gəncə Hərbi Məhkəməsinin sədri təyin edilib;
- Zaur Nazim oğlu Hüseynov Gəncə Şəhər Məhkəməsinin hakimi vəzifəsindən azad olunub. O, Hacıqabul Rayon Məhkəməsinin hakimi və sədri təyin edilib;
- Gündüz Əhməd oğlu Şirinov Gəncə Şəhər Məhkəməsinin hakimi vəzifəsindən azad olunub. O, Samux Rayon Məhkəməsinin hakimi və sədri təyin edilib.
