Gəncədə forum təşkil olunub. Bu haqda 15 dekabr tarixində Azərbaycan Dövlət Aqrar Universitetinə istinadən məlumat veririk.
“Aqrar Startaplar Forumu” ADAU və Aqrar İnnovasiya Mərkəzinin birgə təşkilatçılığı ilə baş tutub. Məqsəd aqrar innovasiyaların fermerlər, sahibkarlar və gənclər arasında təbliği və təşviqi, regionlarda aqrar startapların inkişafı, rəqəmsal texnologiyalardan istifadə etməklə aqrar sahədə məhsuldarlığın yüksəldilməsinə dəstək olmaqdır.
Tədbirdə ADAU-nun rektoru vəzifəsini icra edən Zəfər Qurbanov son illər ərzində işğaldan azad olunan ərazilərdə aqrar sahədə həyata keçirilən layihələrdən danışıb. İcra başçısı Niyazi Bayramov belə tədbirlərin keçirilməsinin vacibliyini vurğulayaraq forumun işinə uğurlar arzu edib.
Burada aqrar innovasiyalarla bağlı videoçarx nümayiş olunub. Sonda Forum panel müzakirələrlə davam edib. “Regional İnkişaf” İctimai Birliyi, “İ2B: İdeyadan biznesə” layihəsinin rəhbəri Rəşad Əzizovun moderatorluğu ilə 3 ayrı mövzuda 12 nəfər mütəxəssisin çıxışı dinlənilib.
