Gəncədə liftdə qalanlarla bağlı yeni xidmət yaradılıb. Bu haqda 22 dekabr tarixində Kəpəz televiziyasına istinadən məlumat veririk.
Çoxmərtəbəli yaşayış binalarında liftdən istifadə edən sakinlərin üzləşdikləri problemin aradan qaldırılması üçün Mərkəzləşdirilmiş Dispetçer Xidməti fəaliyyətə başlayıb. 50 lift birbaşa bu xidmətə qoşulub. Bundan başqa, sakinlərin rahat hərəkəti üçün yeni liftlərin gətirilməsi də nəzərdə tutulur.
Məqsəd əhalinin qarşılaşdığı çətinliyi anında müəyyənləşdirmək və aradan qaldırmaqdır. Liftdə baş verən hər hansı nasazlıq, liftdəqalma halı baş verərsə, dərhal dispetçerlə əlaqə saxlamaq mümkündür.
Ay ərzində dispetçer xidmətinə təxminən 80-ə yaxın müraciət daxil olur. Edilən müraciətlərdəki nasazlıqlar təmir briqadaları tərəfindən tez bir zamanda aradan qaldırılır.
