Futbola marağı olan və peşəkar komandanın fəaliyyətində yaxından iştirak etmək istəyən gənclər üçün yeni könüllülük proqramına start verilir.
Gencexeber.az bildirir ki, "Kəpəz" futbol klubu və Gəncə Gənclər Evinin birgə təşkilatçılığı ilə həyata keçirilən proqram çərçivəsində iştirakçılar klubun ev oyunlarının təşkilində könüllü kimi fəaliyyət göstərə biləcəklər.
Könüllü olmaq istəyən şəxslər üçün əsas tələblər 16 yaş və ya daha yuxarı olmaq, məsuliyyətli və aktiv davranış nümayiş etdirməkdir.
Qeydiyyatdan keçmək istəyənlər 051 547 38 43 nömrəsi ilə əlaqə saxlaya bilərlər.
