Gəncədə Kəlbəcər rayonundan olan məcburi köçkünlər üçün inşa edilmiş "Kəlbəcər" şəhərciyindən köç karvanı yola salınıb.
Gencexeber.az-ın məlumatına görə, işğaldan azad olunmuş ərazilərə Böyük Qayıdış Proqramı çərçivəsində köç davam edir. Bu çərçivədə Gəncə şəhərindəki "Kəlbəcər" şəhərciyində məskunlaşan 13 ailədən ümumilikdə 54 nəfər bu gün – aprelin 2-si səhər saatlarında doğma yurdlarına yola salınıb.
Köç karvanının təşkil olunması ilə sakinlərin uzun illərdən sonra öz ata-baba torpaqlarına qayıdışına daha bir addım atılmış olacaq.
Qeyd edək ki, Böyük Qayıdış proqramı çərçivəsində işğaldan azad edilmiş ərazilərə mərhələli şəkildə əhalinin köçürülməsi davam etdirilir.
