Ağstafa rayonunda musiqi məktəbində dava salan şəxs həbs edilib.
Teleqraf.аz xəbər verir ki, hadisə Ağstafa şəhəri, Hüseyn Arif adına musiqi məktəbində baş verib.
Qazax rayon sakini 1980-ci il təvəllüdlü Bəhmən Vəliyev (ad-soyad şərti verilib – red.) sərxoş vəziyyətdə məktəbdə ucadan nalayiq ifadələr işlədib, ictimai qaydanı pozub.
Vəliyevin ifadəsinə görə, arvadı ilə rəsmi şəkildə boşanıblar: "Barışmaq üçün onun işlədiyi musiqi məktəbinə getdim, niyyətimi bildirdim. Müsbət cavab verməyəndə əsəbiləşərək ucadan söyüşlər söydüm. Etdiyim əməldən peşmanam".
Ağstafa Rayon Məhkəməsinin qərarı ilə Vəliyev İnzibati Xətalar Məcəlləsinin 510-cu (xırda xuliqanlıq) maddəsi ilə təqsirli bilinib və 7 gün müddətinə inzibati qaydada həbs edilib.
