"Kəpəz" Peşəkar Futbol Klubunun rəsmi “Facebook” səhifəsi maraqlı paylaşım edib.
Gencexeber.az məlumat verir ki, dərc edilən şəkildə “Neftçi”nin keçmiş baş məşqçisi Roman Qriqorçuk və “Səbail”in sabiq baş məşqçisi Şahin Diniyev yer alıb. Həmçinin rəsmdə “Kəpəz”i təsvir edən şəxs əlində “göndəriş vərəqəsi” yazılan kağız tutur.
Məlumat üçün bildirək ki, Gəncə klubu cari mövsümdə Azərbaycan Premyer Liqasında keçirdiyi 12 oyundan cəmi ikisində qalib tərəf kimi meydanı tərk edib. Söhbət oktyabrın 4-ü “Neftçi” (4:3) və noyabrın 3-ü “Səbail”lə (1:0) baş tutan qarşılaşmalardan gedir. Həmin oyunlardan sonra hər iki komandanın adları yuxarıda qeyd edilən baş məşqçisi istefa verib.
