Gəncədə qətl hadisəsi törətməkdə təqsirləndirilən şəxsin apellyasiya şikayəti üzrə məhkəmə iclası başa çatıb. Gəncə Ağır Cinayətlər Məhkəməsinin hökmü ilə Samir Hüseynova 17 il müddətinə azadlıqdan məhrumetmə cəzası təyin edilmişdi.
Gencexeber.az məlumat verir ki, Gəncə Apellyasiya Məhkəməsinin hakimi Rafiq Cəfərovun sədrliyi ilə keçirilən prosesdə şikayət təmin edilməyib.
Qeyd edək ki, hadisə keçən ilin iyunun 27-də şəhərin Nizami Gəncəvi prospektində yerləşən kafedə baş verib. Obyekti işlədən Şəmkir rayon sakini Kamil Cəfərova aralarında yaranan mübahisə zamanı Zəngilan rayon sakini S.Hüseynov tərəfindən bir neçə bıçaq zərbəsi endirilib. Nəticədə kafenin sahibi hadisə yerində dünyasını dəyişib. Tələbə olan S.Hüseynov kafedə müvəqqəti günəmuzd işləyirmiş. Onun barəsində Cinayət Məcəlləsinin “Xüsusi amansızlıqla adam öldürmə” maddəsi üzrə ittiham elan edilib.
İttihama görə, S.Hüseynov mərhuma ümumilikdə 23 ədəd deşilmiş-kəsilmiş yara bədən xəsarətləri yetirib.
