Gəncənin futbol təmsilçisi növbəti oyunçu ilə anlaşıb. Sport.info.az məlumat verir ki, klub Anqola yığmasının yarımmüdafiəçisini heyətinə qatıb.
“Səbail”in sabiq legioneri Valdemar Almeyda yenidən Azərbaycana qayıdıb. Ötən mövsümü burada keçirmiş anqolalı yarımmüdafiəçini qarşıdakı ildə də Premyer Liqada izləyəcəyik.
Portuqaliya vətəndaşlığı da olan orta sahə oyunçusu bu dəfə “Kəpəz“in şərəfini qoruyacaq. Daha çox “Pana“ ləqəbiylə tanınan əcnəbi Gəncə təmsilçisi ilə 1 illik müqavilə imzalayıb.
Anqola millisində 3 matç keçirən “Pana“nın “Səbail“lə müqayisədə “Kəpəz“dən daha az maaş alacağı bildirilir.
