Gəncə təmsilçisinin ev oyunlarını keçirəcəyi stadionun adı açıqlanıb. Bu haqda 15 may tarixində İdman xəbər-ə istinadən məlumat veririk.
Növbəti mövsümü də doğma meydandan kənarda oynayacaq “Kəpəz” yeni stadion axtarışında idi. Bildirilir ki, təmsilçimizin ev oyunları Qəbələdə baş tutacaq. Bu, AFFA-nın “Qəbələ”nin I Liqada çıxış edəcəyini təsdiqləməsindən sonra dəqiqləşib.
“Sarı-göylər” yeni mövsümdən oyunlarını sözugedən şəhərdə keçirmək üçün “Qəbələ” tərəfi ilə son danışıqları edəcək.
Xatırladaq ki, Gəncə Şəhər Stadionunun tikintisinin 2025-ci ilə qədər tamamlanması nəzərdə tutulub.
