“Kəpəz”in yeni mövsümə biabırçı start verməsi gəncəli azarkeşləri hərəkətə gətirib. Sportinfo xəbər verir ki, komandanın Premyer Liqanın ilk dörd turunda məğlubiyyətlər sıralaması onları hiddətləndirib.
Bir qrup fanat klubun bazasına gələrək, yeni icraçı direktor Cabir İbrahimovla görüşüblər. Azarkeşlər Adil Şükürovun fəaliyyətinin “Kəpəz”i uçuruma sürüklədiyini dilə gətiriblər. Gənclər qeyd ediblər ki, yayda edilən transferlər yararsızdır və baş məşqçi məsələsinə yenidən baxılmalıdır.
Azarkeşlər xəbərdarlıq ediblər ki, Şükürovla bağlı müvafiq addım atılmadığı təqdirdə, onlar çempionatın növbəti turlarında “istefa” şüarları səsləndirəcəklər.
