Gəncə futbol təmsilçisindən uzaqlaşdırılan nigeriyalı hücumçu yenidən Azərbaycana qayıdıb. Bu haqda 30 iyul tarixində Qafqazinfo.az-a istinadən xəbər veririk.
Söhbət futbolçu Abdullahi Şuaybudan gedir. Hepatit B virusu aşkarlandığına görə cari ilin yanvar ayında “Kəpəz”dən göndərilən futbolçu ölkəmizə gəlib. Onun qayıtma səbəbi birinci liqada mübarizə aparacaq “Qəbələ” ilə danışıqlar olub.
Hazırda bölgə klubunun düşərgəsində olan futbolçu üçün analizlər verilib. Forvardla bağlı qərar tibbi müayinələrdən keçdikdən sonra veriləcək.
Qeyd edək ki, Abdullahi Şuaybu “Kəpəz”dən sonra heç bir klubda çıxış etməyib.
