Gəncənin futbol klubu bugünkü oyuna itkilərlə çıxacaq. Bu haqda 9 dekabr tarixində Gencexeber.az kluba istinadən məlumat verir.
“Kəpəz”in “Turan Tovuz”la görüşündə iki futbolçu oynaya bilməyəcək. Buna səbəb müdafiəçi Zamiq Əliyevin zədəli olması, Tural Rzayevin isə ailə vəziyyəti ilə bağlı heyətdən kənarda qalmasıdır.
Qeyd edək ki, oyun Gəncə şəhər stadionunda keçiriləcək və 14:00-da başlayacaq. Matç “CBC Sport” kanalında yayımlanacaq.
