Gəncə sakinlərini narahat edən paylaşdığımız məsələ həll edilib. Bu haqda Gencexeber.az-a 20 iyun tarixində Gəncə Şəhər İcra Hakimiyyəti məlumat verib.
Dünən Şah İsmayıl Xətai prospektindəki parkın hasara alınması barədə məlumat vermişdik.
Məsələ ilə bağlı İcra Hakimiyyəti yanında Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, FHN-nin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin Əmlak Məsələləri Dövlət Xidmətinin 3 saylı Gəncə Ərazi İdarəsinin və hüquq-mühafizə orqanlarının nümayəndələrinin iştirakı ilə monitorinq keçirilib.
Aparılan monitorinqlər zamanı məlum olub ki, şəhərin Ş.İ.Xətai prospektində dövlət mülkiyyəti, həmçinin istirahət guşəsi olan ərazinin müəyyən hissəsi şəhid ailəsi tərəfindən zəbt edilib. Monitorinq qrupu tərəfindən qanunsuz inşa edilən obyektin tikintisi dərhal dayandırılaraq, söküntüsü təmin edilib.
Qeyd edək ki, şəhər ərazisində bu kimi tədbirlər mütəmadi olaraq davam etdiriləcək.
[modula id="61379"]
