Gəncə təmsilçisi növbəti dəfə cərimələnib. Bu haqda 16 may tarixində AFFA-ya istinadən məlumat veririk.
Bu gün İntizam Komitəsinin iclası keçirilib. Burada bir sıra qərarlar qəbul olunub. Misli Premyer Liqasında XXXIV turun “Neftçi” – “Kəpəz” oyununda komandamızın futbolçusu Şakir Seyidov ciddi qayda pozuntusuna görə birbaşa qırmızı vərəqə alaraq, 2 oyunluq cəzalandırılmışdı. Bu səbəbdən “sarı-göylər” 1500 manat məbləğində cərimə olunub.
Əvəzedicilər liqasında XXXIV turun “Neftçi-2” – “Kəpəz-2” oyununda isə təmsilçimizin futbolçusu Nihat Fərəci ikinci sarıdan qırmızı vərəqə aldığı üçün 1 oyun cəzalandırılıb. Nəticədə komandamız 50 manat cərimə edilib.
Bundan başqa, sözügedən oyunda futbolçumuz Nicat Məmmədov hakimi təhqir etdiyinə görə birbaşa qırmızı vərəqə aldığı üçün 4 oyunluq kənarlaşdırılıb. Buna görə “sarı-göylər” 300 manat cərimə ödəyəcəklər.
