Göygöldə yol qəzasında təqsirləndirilən Elmir Yusubovun barəsindəki qərardan kassasiya şikayəti verilib.
Şikayət Ali Məhkəmənin hakimi Hafiz Nəsibovun sədrliyi ilə araşdırılacaq.
İttihama görə, Elmir Yusubov 2022-ci ildə saat 19 radələrində özünə məxsus "VAZ-2107" markalı minik avtomobili ilə Göygöl rayonunun Azay Kazımov küçəsi istiqamətində hərəkətdə olub. Avtomobili yolun sağ hissəsinə istiqamətləndirərkən idarəetməni itirib və nəqliyyat vasitəsi yolun kənarında yerləşən ağaca çırpılıb.
Baş vermiş yol-nəqliyyat hadisəsi nəticəsində avtomobildə olan sərnişinlərdən ikisi xəsarət alıb, ikisi isə həyatını itirib.
Gəncə Ağır Cinayətlər Məhkəməsinin hökmü ilə Elmir Yusubov 6 il 11 ay 28 gün müddətə azadlıqdan məhrum edilib. Gəncə Apellyasiya Məhkəməsinin qərarına əsasən, apellyasiya şikayəti təmin edilməyib.
