Bu gün şəhid Toğrul Bərxudarovun doğum günüdür.
Toğrul Məmməd oğlu Bərxudarov 30 iyun 1987-ci il tarixində Gəncədə anadan olub. Azərbaycan Ordusunun mayoru olan Bərxudarov Toğrul 2020-ci il sentyabrın 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi üçün başlanan Vətən müharibəsi zamanı Suqovuşan qəsəbəsinin azad olunması uğrunda gedən döyüşlərdə iştirak edib.
Bərxudarov Toğrul Məmməd oğlu 30 sentyabr 2020-ci il tarixində Suqovuşan qəsəbəsi istiqamətində gedən döyüşlər zamanı qəhrəmancasına şəhid olub.
Azərbaycan Respublikasının Prezidenti İlham Əliyevin 15.12.2020-ci il tarixli Sərəncamına əsasən, Bərxudarov Toğrul Məmməd oğlu ölümündən sonra "Vətən uğrunda", 30.12.2020-ci il tarixli Sərəncamına əsasən, "Hərbi xidmətlərə görə", 24.06.2021-ci il tarixli Sərəncamına əsasən, "Suqovuşanın azad olunmasına görə" medalları ilə və 05.11.2021-ci il tarixli Sərəncamına əsasən, 3-cü dərəcəli "Rəşadət" ordeni ilə təltif edilib.
