Gəncədə antiterror əməliyyatı zamanı həlak olan şəhid dəfn edilib. Bu haqda Gencexeber.az-a 22 sentyabr tarixində məlumat daxil olub.
Şəhid Murad Axundovun nəşi gecə saatlarında “Abbas Səhhət” adlanan ərazidə yerləşən yaşadığı evə gətirilib. Onun yaxınları vidalaşmaq üçün bir araya toplanıblar.
Bu gün, 22 sentyabr şəhidin cənazəsi Gəncə şəhər Şəhidlər xiyabanına gətirilərək dəfn olunub. Mərasimdə şəhər rəhbərliyi, digər rəsmilər, sakinlər və mərhumun yaxınları iştirak ediblər. Onun məzarı üstünə güllər qoyulub.
