Bu gün şəhid Elşad Fərəcullayevin doğum günüdür.
Elşad İsa oğlu Fərəcullayev 13 yanvar 1984-cü ildə Gəncədə anadan olub. 1999-cu ildə 17 nömrəli tam orta məktəbi bitirib. 2002-ci ildə həqiqi hərbi xidmətə yollanıb.
Vətən müharibəsi zamanı o, yenidən ordu sıralarına cəlb olunub. Elşad İsa oğlu Fərəcullayev 8 noyabr 2020-ci ildə Xankəndi istiqamətində gedən döyüşlərdə şəhidlik zirvəsinə ucalıb. 17 noyabr tarixində isə Gəncə şəhərinin Şəhidlər xiyabanında dəfn olunub.
Şəhid Elşad Fərəcullayev ölümündən sonra "Vətən uğrunda", "Cəsur döyüşçü" və "Şuşanın azad olunmasına görə" medalları ilə təltif olunub.
