Ağstafa rayonunda 34 yaşlı kişi həmkəndlisinə xəsarət yetirməkdə ittiham olunub.
Hadisə rayonun Dağ Kəsəmən kəndində baş verib. 1992-ci il təvəllüdlü Nəsimi kənddə yerləşən otlaq sahəsində aralarında yaranmış mübahisə zamanı həmkəndlisi Zülfüqarın (adlar şərtidir) başına və bədəninin müxtəlif nahiyələrinə əvvəlcə yumruqla, daha sonra isə ağac parçası ilə qəsdən zərbələr vurub.
Faktla bağlı Nəsimin barəsində Cinayət Məcəlləsinin 128-ci maddəsi ilə ittiham elan edilib.
İş üzrə izahat verən Nəsimi törətdiyi əməldən peşman olduğunu, zərərçəkmiş şəxslə barışdığını bildirib.
Ağstafa Rayon Məhkəməsinin hökmü ilə Cinayət Məcəlləsinin 73.2-ci maddəsinə əsasən təqsirləndirilən şəxs cinayət məsuliyyətindən azad edilib, iş üzrə icraata xitam verilib.
Mənbə: demokrat.аz
