Gəncə sakinləri narkotik və silah üstündə saxlanılıblar. Bu haqda 7 yanvar tarixində Avtosfer-ə istinadən məlumat veririk.
1-ci Polis Şöbəsinin əməkdaşları əməliyyat-axtarış tədbirləri keçiriblər. Nəticədə əvvəllər məhkum olunmuş şəhər sakini Sahib Hüseynov saxlanılıb. O, qanunsuz olaraq odlu silah əldə etməkdə və saxlamaqda şübhəli bilinib. Üzərində şəxsi axtarış keçirilən zaman 1 ədəd atəşə yararlı revolver tipli tapança və 6 ədəd patron aşkar edilərək götürülüb.
Baş İdarənin 2-ci Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində qanunsuz olaraq odlu silah əldə edib saxlamaqda şübhəli bilinən daha bir nəfər saxlanılıb. Əvvəllər məhkum olunmuş şəhər sakini Nizami Qəhrəmanovun üzərinə baxış keçirilən zaman 1 ədəd “Makarov” tapançası, həmin tapançaya aid sandıqca və 4 ədəd patron aşklarlanıb.
Daha bir əməliyyat zamanı şəhər ərazisində narkotik vasitələrin qanunsuz dövriyyəsində şübhəli bilinən Anar Quliyev, Elçin Vəliyev, Cümşüd Həsənov, Şamxal Süleymanov və Ramin Abdullayev saxlanılıblar. Onların üzərindən müxtəlif çəkilərdə metamfetamin aşkar edilərək götürülüb.
Faktlarla bağlı İstintaq və Təhqiqat İdarəsində cinayət işi başlanıb araşdırmalar davam etdirilir.
[modula id="30667"]
