Gəncədə həndbol idman növü üzrə yarış keçirilib. Bu haqda 1 may tarixində Regional Gənclər və İdman İdarəsinə istinadən xəbər veririk.
Həndbol idman növü üzrə 2010-2012-ci il təvəllüdlü oğlanlar arasında birincilik baş tutub. Birinciliyin keçirilməsində məqsəd dövlət müstəqilliyi haqqında idmançılara məlumat vermək, həndbol idman növünün təbliği və inkişaf etdirilməsi, idmançıların yarış təcrübələrinin artırılması, həmçinin yaş qrupları üzrə yığma komandaların tərkibinin müəyyən edilməsindən ibarət olub.
Yarışın sonunda mükafata layiq yer tutan idmançılar diplom, medal, kubok və hədiyyələrlə təltif olunublar.
