Gəncənin sərbəst güləşçiləri qitə birinciliyində 3 medal qazanıblar. Bu haqda 13 iyun tarixində Kəpəz televiziyasına istinadən xəbər veririk.
Yunanıstanda 15 yaşadək sərbəst güləşçilərin Avropa birinciliyi baş tutub. Lutraki şəhərində reallaşan yarışda Nizami yurdunun güləşçiləri 1 qızıl, 2 bürünc mükafata yiyələniblər. İdmançıların nəticələri aşağıdakı kimidir:
- 38 kiloqram çəki dərəcəsində Musa Tağıyev - bürünc medal (məşqçi Arzu Rəhimov)
- 41 kiloqram çəki dərəcəsində İbrahim Həsənov - qızıl medal (məşqçi Rauf Xəlilov)
- 52 kiloqram çəki dərəcəsində Ramal Məmmədoğlu - bürünc medal (məşqçi Rauf Xəlilov)
Güləşçilərimizin rəqibləri arasında ermənilər də olub və onlarla görüşləri qələbə ilə tamamlayıblar. “Güləşçilərimiz var ki, yığma komandadadırlar. Vasif Bağırov ayın 1-2-si Serbiyada Avropa çempionatında iştirak edəcək. Həsən Həsənov isə Yakutiyada keçiriləcək beynəlxalq turnirdə qüvvəsini sınayacaq”, - deyə Əməkdar məşqçi Rauf Xəlilov qeyd edib.
