Gəncədə güclü külək müşahidə olunub. Bu haqda Gencexeber.az-a 21 iyun tarixində məlumat daxil olub.
Güclü külək şəhərdə bir çox fəsadlar törədib. Təbii fəlakət nəticəsində şəhərin bir sıra küçə və prospektlərində ağacların budaqları sınaraq nəqliyyat vasitələrinin üzərinə düşüb. Sınmış ağaclar maşın yollarına düşərək yollarda məhdudiyyət yaradıb. Həmçinin elektrik naqillərini zədələyib. Güclü külək obyektlərin dam örtüklərini yolun hərəkət hissəsinə aşırıb.
Bundan əlavə, sakinlər şəhərin bəzi ərazilərində elektrik enerjisinin verilməsində 2 saata yaxın fasilə yarandığını bildiriblər. Onlar əlavə ediblər ki, hələ də bir sıra yerlərdə işığın verilməsi bərpa edilməyib.
[modula id="61394"]
