Gəncədə güclü külək bir sıra fəsadlara yol açıb. Bu haqda Gencexeber.az-a 25 may tarixində məlumat daxil olub.
Bu gün səhər saatlarından şəhər ərazisində güclü külək əsməyə başlayıb. Nəticədə bir sıra yerlərdə fəsadlar əmələ gəlib. Şəhərin Nizami prospekti, Şəddadilər, Süleyman Rəhimov küçələrində və Cümə məscidinin həyətində yerləşən iri gövdəli ağacların bəziləri kökündən aşıb, digərlərinin isə budaqları qırılaraq yola düşüb.
Bundan başqa, şəhərin bir neçə yerində elektrik naqilləri qırılıb, bu da təchizatda fasilələr yaradıb. Bir sıra tikililərin dam örtükləri uçub.
Qeyd edək ki, hazırda Gəncə və ətraf rayonlarda küləkli hava şəraiti davam edir.
[modula id="60120"]
