Göygöl rayonunda piyada keçidlərinin azlığı sakinlərin narazılığına səbəb olub.
Gencexeber.az-a müraciət edən vətəndaşların sözlərinə görə, rayon ərazisində piyada zolaqlarının sayı kifayət qədər deyil.
Onlar bildirirlər ki, mövcud piyada keçidlərinin olduğu yerlərdə də sürücülərin əksəriyyəti piyadalara yol vermir.
Sakinlərin sözlərinə görə, bu hal xüsusilə Ayaz Kazımov küçəsində yerləşən piyada keçidində müşahidə olunur.
Vətəndaşlar qeyd edirlər ki, mövcud vəziyyət piyadalar üçün təhlükə yaradır, dəfələrlə bədbəxt hadisə baş verib.
Sakinlər aidiyyəti qurumlardan rayon ərazisində piyada keçidlərinin sayının artırılmasını, mövcud keçidlərdə yol hərəkəti qaydalarına nəzarətin gücləndirilməsini xahiş edirlər.
