Bu gün Göygöldə minik avtomobili ilə mikroavtobusun toqquşması nəticəsində xəsarət alanların vəziyyəti açıqlanıb.
Gencexeber.az-a TƏBİB-dən verilən məlumata görə, 16.04.2025-ci il tarixində saat 08:10 radələrində baş verən yol-nəqliyyat hadisəsi nəticəsində 3 nəfər (2 kişi cinsli, 1 qadın cinsli) Göygöl Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
“Müxtəlif yüngül bədən xəsarətləri alan şəxslərə zəruri tibbi yardımlar göstərilib. Vəziyyəti qənaətbəxş olan şəxslər ambulator müalicə üçün evə buraxılıblar”, - açıqlamada qeyd olunub.
09:14
Göygöl şəhərində ağır yol qəzası baş verib.
Gencexeber.az-ın məlumatına əsasən, hərəkətdə olan “Hyundai” markalı minik avtomobili ilə sərnişin daşıyan mikroavtobus xəstəxanalardan birinin qarşısında toqquşub.
Zərbənin təsirindən 31 nömrəli xətt üzrə çalışan mikroavtobus yoldan çıxaraq aşıb.
Hadisə nəticəsində 2005-ci il təvəllüdlü Ətlas İsmayılova, 2010-ci il təvəllüdlü Raya Cəfərli və 1999-cu il təvəllüdlü Seymur Pənahov xəsarət alıb və onlar xəstəxanaya çatdırılıb.
Faktla bağlı araşdırma aparılır.
