Bir sıra rayonların sərnişindaşıması üzrə tender keçirilir.
Gencexeber.az Azərbaycan Yerüstü Nəqliyyat Agentliyinə (AYNA) istinadən məlumat verir ki, Bakı-Göygöl və Salyan-Gəncə şəhərlərarası avtobus marşrutlarını müsabiqəyə çıxarılıb. Məqsəd sərnişindaşıma xidmətinin keyfiyyətinin artırılmasıdır.
Müsabiqədə əsas avtobuslarla yanaşı, ehtiyat nəqliyyat vasitələri də təqdim olunmalıdır. İddiaçıların təklifləri komissiya tərəfindən marşrutlara müvafiq olaraq 5 Lot üzrə oktyabrın 8-də və Lot üzrə oktyabrın 18-də baxılacaq.
Lotlar üzrə qrafiklər haqqında məlumatı linkə keçid edərək əldə etmək mümkündür.
Qeyd edək ki, şəhərlərarası marşrut xətləri qanunvericiliyin tələblərinə uyğun olaraq mərhələli qaydada müsabiqəyə təqdim edilir. Sənədlər 21 sentyabr 2024-cü il saat 17:00-dək Azərbaycan Yerüstü Nəqliyyat Agentliyində (Bakı şəhəri, Tarzən Hacı Məmmədov küçəsi 5; əlaqələndirici şəxs: Elsevər Qədimov – (050) 855 53 55, elsevar.gadimov@ayna.gov.az) qəbul ediləcək.
