Xəbər verdiyimiz kimi, Prezident İlham Əliyev dünən 2026-cı il Gənclər üçün Prezident mükafatlarının verilməsi haqqında Sərəncam imzalayıb.
Sərəncama əsasən, elm, təhsil, mədəniyyət, gənclər siyasəti və gənclərlə iş, ictimai və sosialyönümlü fəaliyyət, innovasiya və sahibkarlıq sahələrində xüsusi fərqlənən 10 nəfərə 2026-cı il Gənclər üçün Prezident mükafatları verilib.
Bəs gənclərə verilən Prezident Mükafatı nə vaxt təsis olunub və nədən ibarətdir? Modern.аz məlumat verir ki, Gənclər üçün Prezident Mükafatı 2013-cü il iyulun 2-də təsis olunub.
Elm, mədəniyyət, o cümlədən ədəbiyyat və incəsənət, təhsil, gənclər siyasəti və gənclərlə iş, ictimai və sosialyönümlü fəaliyyət, innovasiya və sahibkarlıq fəaliyyəti sahələrində xüsusi fərqlənən gənclər üçün ildə bir dəfə verilən Prezident Mükafatının sayı 10 ədəddir:
- Elm və təhsil sahələri üzrə – 2 mükafat;
- Mədəniyyət sahəsi üzrə – 2 mükafat;
- İctimai və sosialyönümlü fəaliyyət sahəsi üzrə – 2 mükafat;
- Gənclər siyasəti və gənclərlə iş sahəsi üzrə – 2 mükafat;
- İnnovasiya və sahibkarlıq fəaliyyəti sahəsi üzrə – 2 mükafat.
Hər bir Prezident Mükafatı 10000 (on min) manat məbləğindədir.
