Gəncənin Üzeyir Hacıbəyov küçəsində aparılan abadlıq işləri sakinlər arasında narazılığa səbəb olub.
Gencexeber.az-a daxil olan şikayətlərə görə, yolun kənarında yerləşən binaların fasadı rənglənib, təmir olunub, giriş qapıları yeniləri ilə əvəz edilib. Bundan başqa, blokların pəncərələri dəyişdirilib və həmin binaların qarşısına yeni asfalt örtüyü salınıb.
Lakin məhəllədə yerləşən digər çoxmənzilli binalar təmirsiz qalıb. Sakinlər bildirirlər ki, həmin ərazilərdə nə fasad işləri aparılıb, nə də asfalt örtüyü salınıb. Yeni asfaltın yalnız təmir olunan binaların qarşısına çəkilməsi isə narazılıq yaradıb.
Vətəndaşlar abadlıq işlərinin yarımçıq dayandırılmayaraq küçədə olan digər binalarda da aparılmasını istəyirlər.
