Bu gün səhər saatlarından Gəncə şəhərinin Dəyirman dairəsində nəqliyyatın hərəkəti iflic olub.
Gencexeber.az-ın məlumatına görə, tıxac Şah İsmayıl Xətai prospekti, Üzeyir Hacıbəyov və Elbrus Allahverdiyev küçələrinin kəsişməsində qeydə alınıb.
Hadisəyə səbəb eyni anda ərazidə hərəkət edən qoşqulu yük avtomobilləri olub. Nəticədə həm şəhər mərkəzində, həm də ətraf küçələrdə hərəkət xeyli çətinləşib.
Sürücülər bildirirlər ki, uzunmüddətli tıxac işə tələsən vətəndaşlara ciddi çətinliklər yaradıb və bu vəziyyətin aradan qaldırılması üçün operativ tədbirlər görülməsini tələb edirlər.
