2026-cı ilin yanvar-mart aylarında Gəncə şəhərində pərakəndə ticarət şəbəkəsində istehlakçılara 418,6 milyon manatlıq məhsul satılıb.
Gencexeber.az xəbər verir ki, bu barədə Gəncə Şəhər Statistika İdarəsinin açıqladığı məlumatda qeyd olunub.
Bildirilib ki, satışların 270,6 milyon manatını ərzaq məhsulları, içkilər və tütün məmulatları, 148 milyon manatını isə qeyri-ərzaq malları təşkil edib.
Ötən ilin eyni dövrü ilə müqayisədə pərakəndə ticarət dövriyyəsi real ifadədə 1 faiz artıb.
Hesabat dövründə pərakəndə ticarət dövriyyəsinin 21,6 faizi ticarət müəssisələrinin, 23,5 faizi bazar və yarmarkaların, 54,9 faizi isə fərdi sahibkarların payına düşüb.
Beləliklə, şəhərdə pərakəndə satışların yarıdan çoxu fərdi sahibkarlar tərəfindən həyata keçirilib.
