Gəncəli Xalq artisti Fikrət Verdiyevin anım günüdür.
Gencexeber.az məlumat verir ki, Fikrət Süleyman oğlu Verdiyev 1947-ci ildə Gəncədə anadan olub. 1966-cı ildə Gəncə orta ixtisas musiqi məktəbində təhsilini başa vuraraq, Üzeyir Hacıbəyov adına Azərbaycan Dövlət Konservatoriyasının tar-dirijor, xalq ifaçısı fakültəsinə daxil olub.
1969-cu ildə "Göygöl" xalq çalğı alətləri ansamblını yaradıb. 1990-cı ildə Gəncə Dövlət Filarmoniyasını ərsəyə gətirən Fikrət Verdiyev filarmoniyanın nəzdində "Göygöl" mahnı və rəqs ansamblından başqa, notlu xalq çalğı alətləri orkestrini və kamera orkestrini yaradıb.
Xalq artisti Fikrət Verdiyev 2022-ci ilin dekabrın 22-də, 75 yaşında dünyasını dəyişib. O, uzun sürən xəstəlikdən əziyyət çəkirdi.
Qeyd edək ki, mərhum dahi sənətkar Xan Şuşinskinin qızı Bəyimxanım Cavanşirova ilə evli idi.
