Taekvondo üzrə gənclər arasında beynəlxalq yarış keçirilib.
Gencexeber.az xəbər verir ki, Sumqayıt şəhərində təşkil olunan birincilikdə Gəncə şəhər 1 nömrəli UGİŞM-in taekvondo bölməsinin yetirməsi Xəlilov Rasim uğurlu nəticə əldə edib.
İdmançı şəxsi məşqçisi Şahmar Nağıyevin rəhbərliyi altında milli komandanın tərkibində 45 kiloqram çəki dərəcəsində çıxış edərək III yer tutaraq bürünc medala layiq görülüb.
Qeyd edək ki, yarışda məktəbin daha bir nümayəndəsi — Cahangir Əliyev hakim qismində iştirak edib. O, yarışın 5 ən yaxşı hakimi sırasına daxil olaraq sertifikatla təltif olunub.
