Bu gün şəhid Kamil Məmmədovun doğum günüdür.
Kamil Mübariz oğlu Məmmədov 11 iyul 1996-cı ildə Gəncədə anadan olub. 2012-ci ildə 15 nömrəli tam orta məktəbin 9-cu sinfini bitirib. 2013-2016-cı illərdə təhsilini 2 saylı Peşə məktəbində (indiki Ticarət və Xidmət üzrə Gəncə Dövlət Peşə Təhsil Mərkəzi) davam etdirib.
2016-cı ildə həqiqi hərbi xidmətə çağırılıb. 2020-ci ilin sentyabr ayında Azərbaycan Ordusunda keçirilən hərbi təlimlərə cəlb olunub. O, Xocavənd rayonunun Ağoğlan (Hadrut) qəsəbəsi, Füzuli və Xocavənd rayonlarının azadlığı uğrunda gedən döyüşlərdə iştirak edib.
Kamil Mübariz oğlu Məmmədov 5 noyabr 2020-ci ildə Xocavənd rayonu uğrunda gedən döyüşlərdə şəhidlik zirvəsinə ucalıb. O, 19 noyabr tarixində Gəncə şəhərinin Şəhidlər xiyabanında dəfn olunub.
Şəhidimiz ölümündən sonra "Vətən uğrunda", "Döyüşdə fərqlənməyə görə" və "Xocavəndin azad olunmasına görə" medalları ilə təltif edilib.
